Пайвандҳои дастрасӣ

logo-print

Эътирози тоҷикон дар назди сафорати Ӯзбакистон


Гурӯҳе аз ҷавонони тоҷики муқими Амрико бо баргузории гирдиҳамоӣ дар назди сафорати Ӯзбакистон дар Вашингтон хостанд, то ба гуфтаи онҳо Ӯзбакистон ба муҳосираи иқтисодии Тоҷикистон хотима диҳад. Алиҷон Шарипов, яке аз баргузоркунандагони гирдиҳамоӣ бо ирсоли имейл ба Радиои Озодӣ навиштааст, ки ҳеҷ кас аз сафорати Ӯзбакистон ба назди эътирозгарон ҳозир нашуд ва номаи дастаҷамъии онҳо ба унвони раиси ҷумҳур Ислом Каримовро ҳам нагирифт. Ҷавонони тоҷик шиор медоданд, ки Ӯзбакистон бо монеъи убури қаторҳои Тоҷикистон шудан, сабаби ранҷ кашидани миллионҳо нафар дар кишвар шудааст. Ҳукумати Ӯзбакистон мегӯяд, бинобар зарфияти ками роҳи оҳанаш наметавонад 2500 вагони Тоҷикистонро ба ин кишвар роҳ бидиҳад.
XS
SM
MD
LG