Пайвандҳои дастрасӣ

Обама амалиёти Исроилро фоҷиа номид


Раисиҷумҳури Амрико Барак Обама амалиёти пурқурбонии рӯзи 31 майи Исроил алайҳи киштиҳои ҳомили кӯмак барои навори Ғазаро “фоҷиа” унвон кард. Обама дар мусоҳиба бо CNN гуфт, ин қазия бояд ба исроилиҳову фаластиниҳо нособитии шароити кунуниро намоиш дода, ҳарду ҷонибро ба пешрафт дар раванди сулҳ ташвиқ кунад. Аммо Обама аз маҳкум кардани истифодаи Исроил аз нерӯ худдорӣ кард ва гуфт, Исроил нигарониҳои воқеъии амниятӣ дорад ва на ҳамаи маълумот дар бораи амалиёти рӯзи душанбе рӯшан шудааст.
Дар он амалиёти зидди киштии Туркия 8 шаҳрванди турк ва як шаҳрванди 19-солаи Амрико, ки низ зодаи Туркия будааст, кушта шуданд. Ин қазия мояи таниш дар равобити Исроил бо Туркия, як муттаҳиди аслии Амрико дар минтақа шуд.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG