Бино ба иттилои хабаргузориҳои расмӣ, як автобуси ҳомили сайёҳони Русия дар Туркия аз роҳ хориҷ ва аз болои пул ба поин сарозер шудааст. Дар ин ҳодиса 16 сайёҳ кушта, 25 нафари дигар ҷароҳат бардоштаанд. Шабакаи телевизионии NTV-и Русия навореро аз саҳнаи ҳодиса нишон додааст, ки чӣ тавр автобус аз роҳ хориҷ ва аз пули баландиаш 6 метр ба қаъри дарё сарозер мешавад. Меҳмет Сеймон-муовини волии вилояти Баҳри Миёназамин дар Анталия гуфтааст, амалиёти наҷот идома доштааст. Захмиҳову ҷасадҳо ва пораҳои автобусро аз об берун мекашанд. Мақомоти маҳаллӣ гуфтаанд, ронандаро ҳангоми ҳаракат хоб бурдааст.
