Пайвандҳои дастрасӣ

logo-print

Форуми тиҷоратии кишварҳои узви Конфронси исломӣ бо ширкати тоҷирон ва сармоягузорони 40 кишвар узви ин созмон дар ноҳияи Варзоб ба кори худ оғоз кард.

Дар ин ҳамоиш, ки умдатан намояндагони бахши тиҷорати хусусӣ ширкат доранд, барномаҳои иқтисодӣ барои сармоягузорӣ муаррифӣ мешаванд. Дар ҳошияи ин форум инчунин намоиши дасовардҳои саноатии Тоҷикистон ва ширкатҳои тавлидкунандаи дохилӣ низ доир шудааст.

Тоҷикистон умедвор аст бо доир намудани форуми тиҷоратии кишварҳои узви Конфронси исломӣ битавонад барои иҷрои барномаҳои худ, хусусан дар бахши энержӣ сармоягузоронро ҷалб кунад.

Дар ин ҳамоиш намояндагони ширкатҳои муҳимии тиҷоратии кишварҳое назири Туркия, Имороти Муттаҳидаи Арабӣ, Кувейт, Эрон ва Покистон ширкат доранд.

Форуми тиҷоратии мазкур дар остонаи конфросни вазирони корҳои хориҷии кишварҳои узви Конфронси исломӣ доир мешавад.

Нишасти вазирони корҳои хориҷии кишварҳои узви Конфронси исломӣ қарор аст, ҳафтаи оянда дар шаҳри Душанбе доир шавад.

Машваратдодашуда

XS
SM
MD
LG