Имрӯз панҷумин солрӯзи рӯйдодҳои хунин дар Андиҷони Узбакистон аст. Воқеае, ки бо номи "қатлиоми Андиҷон" ёд мешавад, замоне ба вуқӯъ пайваст, ки нерӯҳои амниятии Узбакистон тазоҳуркунандагонро тирборон карданд. Тазоҳуркунандагон талаб мекарданд, ки 23 соҳибкори муттаҳам ба тундгароии динӣ ва ҷудоихоҳӣ аз маҳбас раҳо шаванд. Мақомоти расмӣ аз ҳалокати 187 нафар, аз ҷумла сарбозон ва кормандони полис хабар доданд, аммо созмонҳои ҳуқуқи башар мегӯянд, дар рӯйдодҳои Андиҷон чандсад нафар ва ҳатто бештар аз ин кушта шудаанд.
