Президенти Русия, Дмитрий Медведев нахустин раҳбари ин давлат шуд, ки ба Сурия сафари расмӣ анҷом дод. Ҳоло вай дар Димишқ бо президенти Сурия Башор ал-Асад мулоқот мекунад. Медведев Сурияро яке аз бозигарони калидии Ховари Миёна номид. Медведев қарор аст, аз Сурия ба Туркия сафар кунад. Дар ҷараёни ин сафарҳо ҳамкориҳои иқтисодию тиҷоратии Маскав бо Димишқ ва Анкара баррасӣ хоҳанд шуд.
