Пайвандҳои дастрасӣ

logo-print

Ба Кӯлоб шоми якшанбе боз сел омад


Дирӯз бори дигар сатҳи об дар рӯдхонаи Тебалаи Кӯлоб боло рафт. Об аз соҳилҳо берун рафт ва селоб дубора ба Кӯлоб сарозер шуд. Ин селоб нисбат ба селоби шаби 6-ӯм ба 7-ӯми май чандон шадид набудааст. Сокинонро ин дафъа билофосила аз маҳали селоб ба ҷои дигар интиқол додаанд. Дирӯз Ҳамид Абдуллоев-шаҳрдори Кӯлоб дар нишасти хабарие ба рӯзноманигорон гуфт, ки дар селоби қаблӣ 9 нафар кушта шудаанд. 38 нафари дигар бедарак мебошанд. Аммо Кумитаи ҳолатҳои изтирории Тоҷикистон шумораи кушташудагонро 15 нафар нишон медиҳад. Созмонҳои байнулмилалӣ, аз ҷумла Ҳилоли Аҳмар, «Наҷоти кӯдакон»-и Британия ва ниҳодҳои СММ ба осебдидагони офати табиӣ дар Кӯлоб кумакҳои башардӯстона пешкаш кардаанд. Ин кӯмакҳо аз хаймаҳо ва ашёи рӯзгор иборат аст.
XS
SM
MD
LG