Пайвандҳои дастрасӣ

Муҳокимаи 36 нафар бо иттиҳоми узвият дар Ҷамоати Таблиғ


36 шаҳрванди Тоҷикистон дар додгоҳи шаҳри Қӯрғонтеппа бо иттиҳоми узвият дар гурӯҳи "Ҷамоати Таблиғ" мавриди муҳокима қарор доранд. Ба иттилои хабаргузории "Азия-Плюс", айбдоркунандаи давлатӣ онҳоро ба узвият дар созмони тундгаро муттаҳам кард ва барои якоякашон аз 5 то 8 соли зиндон ҷазо хост. Мухолифони муҳокима мегӯянд, айбдоршавандагон аз худ ягон амали хушунат нишон надода, касеро ба зӯроварӣ даъват накардаанд ва танҳо барои таблиғи ислом боздошту муҷозот мешаванд. Вале аз он ҷо ки "Ҷамоати Таблиғ" якҷо бо 9 созмони дигар дар соли 2006 ҳамчун гурӯҳи тундрав маҳкум ва фаъолияти он дар дар қаламрави Тоҷикистон мамнӯъ шудааст, дар шаҳри Душанбе низ 56 шаҳрванд бо иттиҳоми узвият дар он ба мӯҳлатҳои гуногун аз озодӣ маҳрум шуданд.
XS
SM
MD
LG