Ҳукумати Афғонистон имрӯз гуфт, тасмим гирифтааст, ҷаласаи пирони қабоил ё ҷиргаро ба ду то се ҳафтаи дигар ба ақиб андозад. Ғуломфоруқ Вардак, раиси кумисюни ташкили ҷиргаҳо дар нишасти хабарӣ дар Кобул гуфт, сабаби асосии таъхир ин сафари раисиҷумҳури Афғонистон, Ҳомид Карзай ба Вошингтон аст, ки бояд дар рӯзҳои 10-13-уми май иттифоқ афтад. Ҷирга қарор аст, баъд аз ин сафар ҷамъ ояд. Интизор меравад, дар он як ҳазор нафар ширкат кунанд.
