Пайвандҳои дастрасӣ

logo-print

Ду дархости Қурмонбек Боқиев аз фирситодаи СММ


Қурмонбек Боқиев-раиси ҷумҳури Қирғизистон баъд аз сарнагунӣ аз қудрат бори аввал дар маҳзари ом зоҳир шуд ва мухолифони худро муттаҳам кард, ки онҳо "бо зӯр" қудратро ғасб кардаанд. Вай ҳафтаи гузашта аз қудрат сарнугун шуд ва ҳоло мегӯяд, ки аз мақомаш истеъфо намедиҳад. Вай ин суханонро хитоб ба ҳамдеҳагонаш дар тазоҳуроте дар зодгоҳаш деҳи Тейит, воқеъ дар вилояти Ҷалолобод изҳор дошт. Вай афзуд:

"Ман дирӯз бо Ян Кубиш-фиристодаи вижаи СММ сӯҳбат ва чун раиси ҷумҳур аз вай ду дархост кардам. Пеш аз ҳама, ман аз вай хостам, ки ба шимоли кишвар нируҳои посдори сулҳи худро бифиристад. Дархости дуввуми ман аз Як Кубиш ин буд, ки куммисиюни мустақили байналмиллалиро орад ва ба рӯйдодҳои 7-ӯми апрел расидагӣ сурат бигирад".

Бино ба маълумоти мавҷуда ҳангоме, ки пулиси зидди тазоҳурот дар Бишкек 7-ӯми апрел ба сӯи эътирозкунандагон оташ кушод, дастикам, 81 нафар кушта шуд. Онҳо бар зидди давлати Қурмонбек Боқиев эътироз мекарданд. Боқиев аз Бишкек фирор кард ва ба ҷои вай раҳбариро ҳукумати муваққат ба даст гирифт. Бино ба гузоришҳои расида аз Қирғизистон, Боқиев аз ҷонибдорони худ хостааст, ки аз рӯзи сешанбе ба баъд дар атрофи шаҳри Ҷалолобод ва шаҳракҳои дигар роҳпаймоиҳо анҷом диҳанд.

XS
SM
MD
LG