Пайвандҳои дастрасӣ

Раҳоии як юнонӣ аз асорати Толибон


Мақомоти Покистон мегӯянд, ҷангиёни Толибони Афғонистон як марди юнониро, ки 7 моҳ қабл дар шимолуғарби Покистон рабуда шуда буд, раҳо кардаанд. Раҳматуллоҳ Вазир, як мақоми аршад дар водии Читроли Покистон гуфт, вазъи сиҳҳати Афанасиос Лероунис хуб аст ва озодии ӯ дар натиҷаи музокироти раҳбарони қабоили сокини Читрол бо гаравгонгирон дар вилояти ҳамҷавори Нуристони Афғонистон муяссар шудааст.
Лероунис, ки барои як гурӯҳи имдодӣ дар миёни қавми калаш кор мекард, рӯзи 7 сентябри соли гузашта дар кӯҳистони Читрол рабуда шуд. Гаравгонгирон дар баҳои раҳоии ӯ пул ва аз зиндони Покистон озод кардани се раҳбари Толибони Афғонистонро талаб мекарданд. Аммо Раҳматуллоҳ Вазир гуфт, ҳеҷ яке аз ин талабҳои ҷангиён иҷро нашудааст.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG