Ариэл Ҳовард, сухангӯи сафорати Иёлоти Муттаҳидаи Амрико, зимни тайиди ин ҳодиса, ба хабаргузории “Франс Пресс” доир ба ҷузъиёти ҳамла ва хисороту қурбониҳои эҳтимолӣ аз он чизе нагуфтааст.
Вале ба гуфтаи шоҳидони айнӣ, дар назди консулгарии Амрико дар шаҳри шимолуғарбии Пешовар ва қароргоҳҳои артиши Покистон, дасти кам се инфиҷори қавӣ ва ҳамчунин тирандозӣ сурат гирифтааст.
Толибон - масъули ҳамла ба консулгарии Амрико
Дар ҳамин ҳол, толибони Покистон масъулияти ҳамла ба консулгарии Амрико дар шаҳри Пешоварро бар ӯҳда гирифтанд.
Аъзам Тариқ, сухангӯи ҳаракати Толибон аз маҳалли номаълуме ба хабаргузории “Ройтерс” тамос гирифта ва гуфтааст, ки амрикоиҳо душман ҳастанд ва ҳамлаҳои зиёди дигаре ба зидди онҳо тарҳрезӣ шудааст.
Бар тибқи гузоришҳо, афроди мусаллаҳ ба посгоҳи амниятии нерӯҳои покистонӣ дар назди консулгарӣ ҳамла кардаанд.
Як маъмури иттилоъотии Покистон гуфтааст, се муҳофизи консулгарӣ кушта шудаанд, аммо доир ба сарнавишти афроди мусаллаҳ хабаре дар даст нест.
Вале ба гуфтаи шоҳидони айнӣ, дар назди консулгарии Амрико дар шаҳри шимолуғарбии Пешовар ва қароргоҳҳои артиши Покистон, дасти кам се инфиҷори қавӣ ва ҳамчунин тирандозӣ сурат гирифтааст.
Толибон - масъули ҳамла ба консулгарии Амрико
Дар ҳамин ҳол, толибони Покистон масъулияти ҳамла ба консулгарии Амрико дар шаҳри Пешоварро бар ӯҳда гирифтанд.
Аъзам Тариқ, сухангӯи ҳаракати Толибон аз маҳалли номаълуме ба хабаргузории “Ройтерс” тамос гирифта ва гуфтааст, ки амрикоиҳо душман ҳастанд ва ҳамлаҳои зиёди дигаре ба зидди онҳо тарҳрезӣ шудааст.
Бар тибқи гузоришҳо, афроди мусаллаҳ ба посгоҳи амниятии нерӯҳои покистонӣ дар назди консулгарӣ ҳамла кардаанд.
Як маъмури иттилоъотии Покистон гуфтааст, се муҳофизи консулгарӣ кушта шудаанд, аммо доир ба сарнавишти афроди мусаллаҳ хабаре дар даст нест.