Пайвандҳои дастрасӣ

Инфиҷорҳои пурқурбонӣ дар Бағдод


Дирӯз бамгузорони маргталаб дар назди сафоратхонаҳои кишварҳои хориҷӣ дар Бағдод-пойтахти Ироқ се мошини бамгузоришударо мунфҷир сохтанд. Дар ин бамгузориҳо 42 нафар кушта, беш аз 200 нафар ҷароҳат бардоштанд. Хабаргузории Ассошиейтед Пресс аз қавли генерал майор Қасим ал Мусавӣ-сухангӯи нируҳои амниятӣ гуфтааст, ин инфиҷорҳо намояндагии кишварҳои хориҷиро ҳадф қарор дода буданд. Инфиҷорҳо ба сафоратхонаҳои Эрону Миср ва ба манзили зисти сафири Олмон наздик будааст. Ҳасан Козими Қумӣ-сафири Эрон дар Ироқ гуфтааст, инфиҷор дар назди дарвозаи сафоратхона рух додааст ва каме харобӣ бар ҷой гузоштааст, вале касе дар дохили сафорат аз он осеб надидааст.
XS
SM
MD
LG