Пайвандҳои дастрасӣ

Чин хоҳони музокироти бештар дар мавриди Эрон аст


Давлати Чин гуфт, талошҳояшро барои ҳалли мусолиматомези бӯҳрони барномаҳои баҳсбарангези атомии Эрон идома хоҳад дод. Кин Ганг - сухангӯи вазорати умури хориҷаи Чин имрӯз гуфт: “Чин аз масъалаи барномаҳои атомии Эрон ниҳоят нигарон аст. Мо бо тамоми тарафҳои саҳим дар тамос ҳастем, то роҳи ҳалли дипломатӣ ва муносиби ин масъаларо пайдо ва пешрафт кунем.“ Пештар аз ин баёния, Чин ба “музокироти ҷиддӣ” бо Амрико барои эъмоли даври чаҳоруми таҳримоти Созмони Милал алайҳи Эрон мувофиқат кардааст. Чин то кунун мойил ба эъмоли таҳримоти нав алайҳи Эрон набуд. Кишварҳои ғарбӣ мегӯянд, Эрон мехоҳад, зери пардаи барномаҳои сулҳомези ҳастаӣ, бомби атомӣ бисозад, иддаъое, ки Эрон пайваста рад кардааст.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG