Коллайдер, ё худ суръатфизои бузурге, ки дар як нақби 27-километрӣ дар зери марзи Фаронсаву Швейтсария сохта шудааст, тавассути ба ҳам задани нури зарраҳои протон ба суръати баробар бо суръати рӯшноӣ боз ҳам наздиктар шудааст. Ба бовари донишмандоне, ки дар ин озмоишгоҳ кор мекунанд, ин дастовард роҳро ба сӯи кашфи як илми ба сурати бунёдӣ ҷадиди физика ҳамвор мекунад. Ба эътиқоди онҳо, ин озмоишҳо рӯи хеле асрори то ҳол мармузи коинот рӯшанӣ хоҳад андохт.
