Пайвандҳои дастрасӣ

Хабари нав

Рақибони мунтахаби Тоҷикистон муайян шуданд


Дастаи мунтахаби футзали Тоҷикистон дар мусобиқаи қаҳрамонии Осиё, ки аз 23-юм то 30-юми май дар Узбакистон баргузор мешавад, дар гурӯҳи «В» бо тимҳои Эрон, Кувайт ва Австралия рақобат хоҳад кард.

Дамир Камолиддинов, сармураббии мунтахаби Тоҷикистон, мегӯяд, дар ин гурӯҳ тими Эрон, қаҳрамони бисёркаратаи Осиё, муддаии аслии роҳхати аввал ба даври чаҳорякниҳоӣ маҳсуб мешавад ва мо барои роҳхати дуввум талош хоҳем кард.

Бар асоси қуръакашӣ 16 даста ба чаҳор гурӯҳ тақсим шудаанд: Гурӯҳи «А» - Узбакистан, Тайван, Индонезия, Лубнон
Гурӯҳи «B» - Эрон, Кувайт, Австралия, Тоҷикистон
Гурӯҳи «С» - Тайланд, Вйетнам, Куриёи Ҷанубӣ, Қирғизистон
Гурӯҳи «D» - Ҷопон, Туркманистан, Ироқ, Чин
Аз ҳар гурӯҳ дудастаӣ ба даври баъдӣ роҳ меёбанд.

Ғолиби гурӯҳи «А» бо ҷои дуввуми гурӯҳи «B», ғолиби гурӯҳи «В» бо ҷои дуввуми гурӯҳи «А», ғолиби гурӯҳи «С» бо ҷои дуввуми гурӯҳи «D», ғолиби гурӯҳи «D» бо ҷои дуввуми гурӯҳи «С» дар даври чаҳорякниҳоӣ рақобат хоҳанд кард.
XS
SM
MD
LG