Ҳукумати Покистон аз додгоҳ хостааст, иҷоза диҳад, то фаъолияти Абдул Қадир Хон – донишманди бадномшудаи ҳастаии кишвар, таҳқиқ шавад, ки ӯро ба интиқоли иттилоъоти ҳастаӣ ба Эрону Ироқ муттаҳам мекунанд. Ин эъломи ҳукумати Покистон чанд рӯз пеш аз муколамаи стротежии ин кишвар бо Иёлоти Муттаҳида садо дод. Интизор меравад, ки Покистон хостори имзои созишномаи ҳастаии ғайринизомӣ бо Амрико хоҳад шуд, ки ин кишвар бо Ҳиндустон имзо кардааст.
