Неъматулло Ботақозиев, як фаъоли ҳуқуқи башари Қирғизистон дар боздоштгоҳи махсуси умури дохилии пойтахт ба таври мармуз ғайб задааст. Дар ин бора ба Радиои Озодӣ бародари ӯ Муҳаммадсолеҳ Муҳаммадтоҳируғлӣ хабар дод. Вай гуфт, кормандони ин боздоштгоҳ ба суоли ӯ оид ба сарнавишти бародараш танҳо ҳаминро гуфтаанд, ки чизе намедонанд. Кӯшишҳои баъдии ӯ барои мушаххас кардани ҷои будубоши бародараш бенатиҷа анҷомидаанд.