Низомиёни амрикоӣ назорат аз болои маҳбаси "Тоҷӣ", воқеъ дар шимоли Бағдодро, бар ӯҳдаи мақомоти ироқӣ вогузоштанд. Дар ин маҳбас тақрибан ду ҳазор гумонбарон ва муттаҳамон дар содир кардани ҷиноёт ба сар мебаранд. Айни ҳол фақат як маҳбас зери назорати низомиёни амрикоӣ боқӣ мондаасту халос. Қарор аст маросими дар ихтиёри ироқиҳо вогузоштани назорат аз болои зиндони Кроппери пойгоҳи низомии Виктория, воқеъ дар канори шаҳри Бағдод, рӯзи 15 июли соли равон баргузор шавад.
