Имрӯз соати ҳашти шом ба вақти Душанбе дар Тоҷикистон даври дуввуми интихоботи парлумонӣ ба поён расид. Мардум дар ҳавзаи Конибодоми вилояти Суғд аз миёни номзади ҳизби сотсиал-демократ Шокирҷон Ҳакимов ва номзади ҳизби ҳокими халқӣ-демократӣ Насруллоҳ Маҳмудов охирин вакили Маҷлиси намояндагон, маҷлиси поёнии парлумони Тоҷикистонро интихоб карданд. Ҳамчунин имрӯз дар ҳудудан 50 ҳавзаи маҳаллӣ даври дуввуми интихоботи вакилони маҷолиси маҳалӣ доир шуд.