Сарвазири Туркия, Раҷаб Тайиб Эрдуғон мегӯяд, кишвараш ба бозфиристи сафири хеш ба Вашингтон омода нест. Анкара сафири худро замоне фаро хонда буд, ки Кумитаи умури хориҷии Конгресси Амрико куштори арманиҳо аз тарафи туркҳои усмониро дар соли 1915 ҳамчун наслкушӣ эътироф кард. Вазири умури хориҷии Иёлоти Муттаҳида, Ҳилларӣ Клинтон гуфтааст, ҳукумати Амрико талоши ҷиддӣ дорад, то аз вуруди ин қатънома ба Конгресс барои раъйдиҳии умумӣ пешгирӣ кунад.
