Пайвандҳои дастрасӣ

Варзишгарони тоҷик дар мусобиқаи кушодаи қаҳрамонии зимистонаи Укроин дар навъи гурзандозӣ се медали тилло ба даст оварданд.

Ба иттилоъи Евгений Шумарин, дабири кулли Федератсияи варзиши сабуки Тоҷикистон, гурзандози маъруфи тоҷик Дилшод Назаров бо натиҷаи 74 метру 18 сантиметр байни мардон ғолиб шуд. Варзишгарони Укроин Алексей Сикорский (71,46) ҷои дуввум ва Артём Рубанко (70,20) ҷои севумро касб карданд.

Галина Митяева бо натиҷаи 57 метру 82 сантиметр дар сабқати духтарон пирӯз гашт. Варзишгарони Укроин Ганна Скидан (56,76) дуввум ва Надя Рачук (49,92) севум шуданд.

Намояндаи дигари Тоҷикистон Абдуқодир Баротов бо натиҷаи 65 метру 75 сантиметр байни наврасон дар ҷои аввал қарор гирифт. Укроиниҳо Богдан Кизяковский (60,88) ҷои дуввум ва Дмитро Филончук (58,32) ҷои севумро азони худ карданд.
XS
SM
MD
LG