Ҷеорҷ Митчел-фиристодаи вижаи Амрико барои сулҳи Ховари Миёна дар охири ҳафтаи ҷорӣ ба минтақа сафар хоҳад кард, то бубинад, ки оё Исроилу Фаластин ба музокироти ғайримустақими сулҳ розӣ ҳастанд ё хайр. Ҷомеъаи кишварҳои араб ва Амрико умедворанд, ки Исроилу Фаластин саранҷом бояд рӯ ба рӯ мулоқот ва муноқишаҳои 60-соларо ҳал кунанд. Барои чунин кор музокироти ғайримустақим метавонад оғози хубе бошад.
