Пайвандҳои дастрасӣ

logo-print

Бозиҳои XXI зимистонаи олимпӣ дар Ванкувери Канада 28-уми феврал ба анҷом расиданд. Намояндагони 26 кишвар медалҳои олимпӣ ба даст овардаанд.

Канада бо касби 26 медал - 14 нишони тилло, 7 нуқра ва 5 биринҷӣ дар ҳисоби умумидастаӣ ҷои аввалро касб кард. Олмон бо касби 30 медал – 10 тилло, 13 нуқра ва 7 биринҷӣ дар ҷои дуввум ва Иёлоти Муттаҳидаи Амрико бо касби 37 медал - 9 тилло, 15 нуқра ва 13 нишони биринҷӣ дар ҷои сеюм қарор гирифтанд.

Дар маҷмӯъ, варзишгарони 19 кишвари олам ба унвони қаҳрамони Олимпиадаи Ванкувер даст ёфтаанд. Ба ғайр аз 3 дастаи пешсаф, ҳамчунин, намояндагони Норвегия, Кореяи Ҷанубӣ, Швейтсария, Чин, Шветсия, Австрия, Нидерланд, Русия, Фаронса, Австралия, Ҷумҳурии Чех, Лаҳистон, Италия, Беларус, Словакия ва Бритониёи Кабир бо медалҳои тилло сарфароз шуданд.

Аз собиқ кишварҳои шӯравӣ Русия 15 медал – 3 тилло, 5 нуқра, 7 биринҷӣ (ҷои 11-ум), Беларус 3 медал – 1 тилло, 1 нуқра ва 1 биринҷӣ (ҷои 17-ум), Латвия 2 медали нуқра ва 1 биринҷӣ (ҷои 23-юм), Қазоқистон (ҷои 25-ум) ва Эстония (ҷои 25-ум) ҳар кадом 1 медали нуқра ба даст оварданд.

Мавқеи кишварҳо аз рӯи медалҳои тилло, нуқра ва биринҷӣ


Намоиши шарҳҳо

XS
SM
MD
LG