Жак Роге-раиси Кумитаи байналмиллалии олимпӣ аз бозиҳои зимистонаи олимпӣ дар Ванкувер ситоиш кард ва гуфт, ин бозиҳо фазои хуби варзишӣ дошт ва варзишгарон натиҷаҳои хуб нишон доданд. Вале вай изҳор дошт, ки марги Нодар Кумариташвилӣ- варзишгари гурҷӣ чанд соат пеш аз оғози ин бозиҳо ҳеҷ гоҳ фаромӯш нахоҳад шуд. Бозиҳои зимистонаи олимпӣ дар Ванкувери Канада 12-ӯми феврал оғоз шуд ва дирӯз 28-ӯми феврал ба поён расид.
