Бар асоси иттилоъи хабаргузории "Авеста", дар сохторҳои давлатии Тоҷикистон баъзе тағироти кадрӣ ба вуҷуд омадааст. Абдуғаффор Раҳмонов аз мақоми муовинати раиси кумитаи давлатии сармоягузорӣ ва идораи умури дороии давлатӣ сабукдӯш ва муовини раиси вилояти Хатлон таин шудааст. Хайрулло Маҳмадуллоев муовини вазири энержӣ ва саноати Тоҷикистон ва Наргис Бойаҳмадова муовини аввали раиси хабаргузории давлатии "Ховар" муқаррар шудаанд.
