Чин ба мулоқоти эҳтимолии раисиҷумҳури ИМА Барак Обама бо раҳбари рӯҳонии Тибет Далай-лама мухолиф аст. Жи Вайгун, яке аз масъулини ҳизби ҳукмрони коммунисти Чин, дар як нишасти хабарӣ дар Пекин гуфт, ки ин гуна мулоқотҳо “бехирадона ва бефоидаанд” ва метавонанд ба равобити сиёсии миёни Амрико ва Чин латма зананд. Ӯ афзуд, ки дар музокирот бо намояндагони Далай-лама оид ба тағйири мақоми вилояти Ҳимолой то ҳол пешрафте мушоҳида нашудааст.
