Дар соҳили руди Даҷла дар шаҳри Бағдод се инфиҷори қавӣ як меҳмонсарои машҳур ва тарабхонаро ба ларза андохт. Бино ба гузоришҳо, дар ин инфиҷорҳо дастикам 11 нафар кушта шудаанд. Дуди ғализ дар минтақаи меҳмонсароҳои Шератон ва Палестин ба назар мерасид. Хабаргузориҳои Ройтерз ва Ассошиейтед Пресс аз мақомоти пулис, ки аз худ ном набурдаанд, мегӯянд, ки дастикам 11 нафар кушта шудаанд. То ҳол манобеи мустақил ин шумораро таъйид накардаанд.
