Ҳизби Сотсиал-Демократи Тоҷикистон, иддаъоҳо доир ба ин ҳизб дар як мақола дар хабаргузории давлатии кишварро бепоя хонд. Мақомоти ҳизб мегӯянд, ин мақола, ки дар замони корзори интихоботӣ нашр шудааст, ба хотири беобрӯ кардани ҳизб ва дилсард кардани раъйдиҳандагон аз он ҳизб аст. Дар мақола, муаллиф ҳайъати раҳбарии Ҳизби Сотсиал-Демократро дар халалдор кардани ваҳдати мардуми Тоҷикистон тавассути доман задан ба андешаи ҷудоиталабӣ дар миёни мардуми Вилояти Кӯҳистони Бадахшон муттаҳам кардааст.
