Раисиҷумҳури Амрико Барак Обама барномаеро муаррифӣ кард, ки марзу буми фаъолияти бонкҳо ва ширкатҳои молиро дар Амрико маҳдуд хоҳад кард. Ин тадобир ба манзури пешигрӣ аз такрори бӯҳронҳое, назири бӯҳрони соли 2008 аст, ки бонкҳои амрикоиро дар вартаи расвоӣ қарор дод ва давлат ба хотири наҷоти низоми бонкӣ садҳо миллиард доллар ёрона ҷудо кард. Обама гуфт, бо ин вуҷуд, низоми молии Амрико феълан хеле қавитар аз онест, ки як соли пеш буд.
