Ҷунбиши “Толибон” дар Покистон масъулияти инфиҷор дар шаҳри Қарочиро, ки бар асари он 44 тан аз ширкаткунандагони маросими Ошӯро кушта шуданд, бар дӯши худ гирифт. Ин ҳодиса рӯзи душанбе ба вуқӯъ пайваста буд. Дирӯз ҳазорон нафар дар шаҳри Қарочӣ ба ёди қурбониёни ин ҳамлаи пурқурбонӣ раҳпаймоии эътирозӣ карданд. Гуфта мешавад, ки ин гуна ҳамлаҳои дур аз қароргоҳҳои "Толибон" дар Покистон хело кам рух медиҳанд.
