Маҷлиси Намояндагони Тоҷикистон барои назорат бар истифодаи маблағи саҳмияҳои Роғун кумиссиюни вижа ташкил кард. Ин кумиссиюн аз намояндагони порламон иборат аст, порламоне, ки баъд аз як моҳи ба бозор омадани саҳмияҳои Роғун салоҳияташ ба поён мерасад ва порлмони нав интихоб мешавад. Ҳоло дар Тоҷикистон таблиғот барои ҷамъоварии маблағ барои сохтмони ниругоҳи барқи обии Роғун ҳамаҷониба идома дорад ва ба он тамоми табақаҳои аҳолии Тоҷикистонро ҷалб кардаанд.
