Пайвандҳои дастрасӣ

logo-print

Ихтилофҳо дар Копенҳаген то ҳол боқӣ мондааст


Конфронси тағйири иқлим, ки онро СММ дар Копенҳагени Дания созмон додааст, баъд аз суханронии раҳбарони кишварҳои Африқо ва Африқои Ҷанбӣ ҳанӯз аз бунбаст раҳо наёфтааст. Мунозирот байни кишварҳои пешрафтаи ҷаҳон ва кишварҳои нодор то ҳол идома дорад. Абдулло Вадеъ-раиси ҷумҳури Сенегал кишварҳои пешрафтаро ба ваъдахилофӣ муттаҳам кард. Эво Моралис-раиси ҷумҳури Боливия ва Ҳуго Чавез-раиси ҷумҳури Венесуэла кишварҳои сарватмандро муттаҳам карданд, ки онҳо низоми диктаторӣ ба вуҷуд овардаанд. Норберт Роетген-вазири ҳифзи муҳити зисти Олмон гуфт, як гурӯҳи маҳдуди иборат аз 25 кишвар, ки дар миёни онҳо Британияву Олмон ва кишварҳои дигари аврупоӣ ҳастанд, роҳҳои баромадан аз ин бунбастро ҷустуҷӯ мекунанд. Дар ин конфронс Эмомалӣ Раҳмон-раиси ҷумҳури Тоҷикистон низ ширкат дорад. Қарор аст вай низ дар ин конфронс суханронӣ кунад.
XS
SM
MD
LG