Пайвандҳои дастрасӣ

Укроина ба Ироқ муҳимоти ҷангӣ мефурӯшад


Як вакили мардумии Укроин мегӯяд, кишвараш бо Ироқ дар мавриди фурӯши силоҳ ба ин кишвар дар ҳаҷми 2,5 миллиард доллар ба созиш расидааст. Анатолий Гритсенко – раиси кумитаи амният ва дифоъи порлумони Укроин ба хабаргузории Ассошиейтед Пресс гуфтааст, бар асоси қарордод, кишвараш ба Ироқ 420 мошини зиреҳпӯш ва 6 ҳавопаймои боркаши АН 32Б хоҳад фурӯхт. Ин қарордодро як талоши муҳиме дар амри тақвияти нерӯҳои мусаллаҳи Ироқ хондаанд, ки барои ихроҷи нерӯҳои Амрико аз кишварашон омодагӣ мегиранд. Барак Обама – раиси ҷумҳури Иёлоти Муттаҳида гуфтааст, кишвараш то охири соли 2011 нерӯҳояшро аз Ироқ хориҷ хоҳад кард.
XS
SM
MD
LG