Раисиҷумҳури Эквадор Рафаэл Корреа гуфт, умедвори рушди равобит бо Русия аст. Раҳбари ин кишвари Амрикои Лотинӣ, ки имрӯз роҳии Маскав мешавад, ба Ройтерс гуфтааст, Эквадор бо кӯмаки молии Маскав алакай аз Русия 2 чархболи боркаш харидорӣ кардааст. Корреа афзуда, ки Эквадору Русия метавонанд дар соҳоти энержӣ низ қарордодҳои ҳамкорӣ бубанданд. Рафаэл Корреа қаблан гуфта буд, як ҳадафи сафараш ба Русия тақвияти ҳамкориҳои низомист.
