Пайвандҳои дастрасӣ

logo-print

Идомаи додгоҳи шаҳрванди тоҷик дар Дубай


Додгоҳи Имороти Муттаҳидаи Араб дар Дубай имрӯз муҳокимаи парвандаи ду нафари муттаҳам ба ҳамдастӣ дар қатли фармондеҳи маъруфи чечен Сулим Ямадаевро аз сар хоҳад гирифт. Ямадаев, ки аз мухолифони раисиҷумҳури Чеченистон Рамазон Қодиров маҳсуб мешуд, дар натиҷаи як сӯъиқасд дар моҳи март дар Дубай кушта шуд. То ҳол дар иртикоби ин сӯиъқасд ду нафар – шаҳрванди Эрон Маҳдӣ Лорниё, ки саиси Рамазон Қодиров будааст, ва шаҳрванди тоҷики муқими Дубай Мақсудҷон Исматов боздошт шудаанд, ки имрӯз дигарбора ба додгоҳ эҳзор хоҳанд шуд. Пулиси Дубай дар ин ҷиноят 4 тани дигар, бо шумули вакили парлумони Русия Адам Делимхоновро низ айбдор мекунад, вале онҳо тавонистаанд ба Русия фирор кунанд.
Сулим Ямадаев ба мисли Рамазон Қодиров аз он фармондеҳони ҷудоиталабони чечен аст, ки дар ҷанги дуввум тағйири сангар карда, ба тарафи Русия гузаштанд.
XS
SM
MD
LG