Раиси ҷумҳурии Туркманистон Қурбонгулӣ Бердимуҳаммадов дар риштаи энержии кишвараш як қатор тағйирот ба роҳ монд. Тибқи иттилои матбуоти давлатӣ, президент раиси ширкати давлатии “Туркменнефтегазстрой” ҳамроҳи раисони ширкатҳои газу нафти давлатӣ - “Туркменнефт” ва “Туркменгаз”-ро аз вазифаҳояшон холӣ кард. Вай вазъи харобиовари сохторҳои энержӣ, таъхир дар таъмину интиқоли газро ба сокинони шаҳраку рустоҳои кишвар ва набуди тадбирҳои заруриро барои афзоиши тавлиди нафт танқид кард.