Пайвандҳои дастрасӣ

Тоҷикистон дар зинаи аввали ҷадвали бозиҳои Осиё


Дастаи футболи ҷавонони то 16 солаи Тоҷикистон дар шаҳри Катмандуи Непал дар мусобиқоти қаҳрамонии Осиё бо дастаи наврасони Эрон бозиро бо натиҷаи 0:0 анҷом дод ва як холи дигар ба даст овард. Ин дуввумин бозии дастаи Тоҷикистон буд. Дар бозии аввал Тоҷикистон бар дастаи Баҳрайн бо ҳисоби 2:0 пирӯзӣ ба даст овард. Бад-ин тариқ ҳоло Тоҷикистон бо 4 хол дар сафи пеши ҷадвали гурӯҳи худ қарор дорад. Имрӯз бозии дигари ин гурӯҳ байни Баҳрайну Лубнон бо ҳисоби 2:1 ба нафъи Баҳрайн поён ёфт. Бозии севвум ва ниҳоии Тоҷикистон дар ин гурӯҳ, яъне гурӯҳи "Б" 13-ӯми октябр баргузор мешавад.
XS
SM
MD
LG