Генерал Стенлӣ МакКристал-фармондеҳи нируҳои Амрико ва паймони НАТО дар Афғонистон гуфт, дар ин кишвар шӯришҳо шиддат меёбад ва муваффақияти мубориза бар зидди Толибон замонат дода намешавад. Вай ин нуктаро дар нишасти низомиён ва коршиносони низомӣ дар Лондон изҳор дошт. Вай гуфт, вазъ ҷиддист ва вақт аз даст меравад. Ҳоло Барак Обама-раиси ҷумҳури Амрико бо коршиносони сиёсӣ ва таҳлилгарон машғули баррасиҳои ҷиддист, ки чӣ тарз стратегияи Амрикоро дар Афғонистон тағир диҳад.
