Мақомоти эронӣ намояндаи аршади ислоҳталабони Эрон, Сайиди Ҳаҷҷориёнро, ки дар ҷараёни намоишҳои зидди натиҷаҳои интихоботи президентии 12-уми июн боздошт шуда буд, озод карданд. Ҳаҷҷориён дар таҳияи нооромиҳо айбдор мешуд ва гуфтааст, дар ҷараёни интихобот ба "иштибоҳҳои ҷиддӣ" роҳ дод. Мухолифон мегӯянд, ин, ба истилоҳ, "иқрори ӯ" дар шароити фавқулода гирифта шуда, далел ба шумор намеравад. Озодии Ҳаҷҷориён дар ивази гарав ба вуқӯъ пайваст ва баррасии парвандааш идома хоҳад ёфт.
