Вазорати дифоъи Русия гуфтааст, киштии тиҷоратиеро, ки се ҳафта нопадид шуд, рабудаанд. Хабаргузориҳои Русия мегӯянд, дар робита ба ин қазия, ҳашт нафар аз ҷумла шаҳрвандони Русия, Эстония ва Латвия боздошт шудаанд. Нерӯҳои баҳрии Русия киштии боркаши “Баҳри Арктика”-ро дар Уқёнуси Атлантика дар наздикии ҷазираҳои Кейп Верде дар ғарби Африқо пайдо карданд. Нопадид шудани киштӣ дар қаламравҳои обии Аврупо мақомоти саросари ин минтақаро гиҷу даступоча кард.
