Пайвандҳои дастрасӣ

Маҷрои рӯди Вахшро мебанданд


Мақомоти расмӣ мегӯянд, имрӯз Оқил Оқилов – нахуствазири Тоҷикистон, ба маҳалли бунёди нерӯгоҳи барқи обии Роғун рафтааст, ки дар онҷо ба бастани маҷрои рӯдхонаи Вахш омодагӣ мегиранд. Ба иттилоъи хабаргузории давлатии “Ховар”, қарор аст, маҷрои рӯдхонаи Вахш то се моҳи дигар баста шавад. Оқил Оқилов бо ҷараёни омодагӣ барои иҷрои ин бахши муҳими тарҳи нерӯгоҳи Роғун ошно шудааст. Нерӯгоҳи барқи обии Роғун, ки бузургтарин дар Осиёи Марказӣ хоҳад буд, имкон хоҳад дод, то Тоҷикистон аз назари таъмини нерӯи барқ худкифо шуда ва боқимондаи онро ба кишварҳои минтақа бифрӯшад. Ӯзбакистон аз мухолифони сарсахти нерӯгоҳ мегӯяд, бунёди обанбори азими Роғун ба вазъи зистмуҳитии тамоми Осиёи Марказӣ таъсири манфӣ мерасонад, иддаъое, ки ба гуфтаи давлати Тоҷикистон асосе надорад.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG