Пайвандҳои дастрасӣ

Хабари нав

Боздошти хабарнигори тоҷик дар Узбакистон


Шӯҳрат Шодиев, хабарнигори тоҷик, ки дар Узбакистон боздошт шудааст, аз норавшании сарнавишташ изҳори нигаронӣ мекунад.

Ӯ қаблан ҳангоми бозгашт аз Русия тавассути хоки Узбакистон дар яке аз истгоҳҳои роҳи оҳани ин кишвар боздошт шуд.

Шӯҳрат Шодиев дар сӯҳбате бо радиои Озодӣ гуфт, ки намояндагони мақомоти узбак асноди ӯ ва ду ҳамроҳашро гирифтаанд ва онҳо ҳоло дар як манзили шахсӣ дар шаҳри Нуқуси ин кишвар ба сар мебаранд.

Мақомоти интизомии узбак далели боздошти рӯзноманигори тоҷикро то ҳол тавзеҳ надодаанд. Ба гуфтаи Шӯҳрат Шодиев, ҳангоми боздошт аз борхалтаи ӯ нашрияҳои тоҷикӣ, китоби Қуръон ба забони русӣ ва якчанд диску наворро мусодира кардаанд.

Оқои Шодиев аз вазъи сиҳҳатии худ шикоят кард ва гуфт, ба мақомоти марбутаи ин кишвар барои кумаки тиббӣ муроҷиат кардааст ва ҷавоби мусбӣ нагирифтааст.

Барои шунидани сӯҳбати Шӯҳрат Шодиев ба гӯшаи “Чандрасонаӣ”-и саҳифа нохун занд.
XS
SM
MD
LG