Бар асари силсилаи таркишҳои бомб дар шимоли Ироқ ва дар Бағдод дасти кам 40 нафар кушта ва даҳҳо тани дигар маҷрӯҳ шуданд. Хунинтарин ҳамла, ба гуфтаи пулис, таркиши паиҳами ду бомб дар рустое дар атрофи шаҳри Мувсил будааст, ки дасти кам 23 нафарро кушта ба ҷо гузошт ва мунҷар ба тахриби ҳудуди 40 манзил дар минтақаи умдатан шиъанишини Хазна шуд. Дар Бағдод ду бомб дар маҳалли таҷаммӯъи мардикорон мунфаҷир шудааст.
