Пайвандҳои дастрасӣ

Нишасти муҳими Душанбеву Бишкек


Мақомоти вазоратҳои умури хориҷаи Тоҷикистону Қирғизистон имрӯз дар шаҳри Душанбе чаҳор санади расмӣ имзо кардаанд. Аз ҷумла ду санад дар мавриди ҳамкориҳои низомӣ ва ҳамкории хадамоти махсуси Тоҷикистону Қирғизистон. Ин санадҳо дар поёни нишасти нахустини шӯрои вазирони умури хориҷаи Тоҷикистону Қирғизистон ба имзо расид, ки ин нишаст ба гуфтаи Ҳамроҳхон Зарифӣ вазири умури хориҷаи Тоҷикистон, сафҳаи тозаеро дар таърихи равобити хориҷии ду кишвар боз мекунад. Ба гуфтаи вай, зимни гуфтӯгу, ду тараф масоили васеъи ҳамкориҳои сиёсиву иқтисодиро баррасӣ карда ва дар тамоми масоил ба созиш расидаанд. Қодирбек Сарбоев - вазири умури хориҷаи Қирғизистон, гуфтааст, мулоқот ба густариши муносибатҳои дуҷониба такони дигар додааст. Ба гуфтаи вай, Тоҷикистон ва Қирғизистон аз имконоти азиме бархурдоранд, ки барои рушди ду кишвар ва таъмини ҳаёти осоиштаи зиндагии мардум мусоидат мекунанд.
XS
SM
MD
LG