Сафари ҳунарии овозхони тоҷик Шабнами Сурайёст ба Канада бо як консерт дар шаҳри Монреал оғоз ёфт. Ин ҳунарнамоӣ аз тарафи тоҷикону афғонҳо ва эрониёни муқими Канада гарм истиқбол шуд. Ташкилкунандагони ин сафар, ширкатҳои "Шерзод Энтертаймент" ва "Даф Энтертаймент" хабар додаанд, ки консертҳои Шабнам ҳамроҳ бо овозхони афғон Алии Эътимодӣ дар моҳи август дар Ванкувер ва Торонто низ баргузор мешаванд.
