Гурҷистон хабарҳо дар бораи ҳадафи гулӯла қарор додани ҷумҳурии ҷудоихоҳи Осетияи Ҷанубиро рад кардааст. Осетияи Ҷанубӣ иддао мекунад, ки ду гулӯла аз тарафи Гурҷистон ба деҳаи Дистӣ партоб шуданд. Ҳамчунон рӯзи шанбе Русия ҳушдор дод, ки агар дар минтақаи Қафқоз Гурҷистон ба истилоҳ "иғво"-яшро идома диҳад, Маскав ба худ ҳақ медиҳад дар муқобили он аз нерӯ кор гирад. Изҳороти Русия як ҳафта пеш аз аввалин солгарди ҷанги кӯтоҳмуддати Русияву Гурҷистон ба табъ расидааст.
