Пайвандҳои дастрасӣ

logo-print

Хотамӣ додгоҳро маҳкум кард


Собиқ президенти Эрон ва ҷонибдори калидии ҷумбиши мухолифини ҳукумати Ҷумҳурии исломӣ Муҳаммади Хотамӣ муҳокимаи 100 фарди муттаҳам бо ташкили хушунатҳои баъди интихоботи президентии Эронро маҳкум кард.

Хотамӣ гуфт, ки муҳокимаи хилофи қонуни асосӣ, қонунҳои одӣ ва ҳуқуқи шаҳрвандон аст.

Хотамӣ афзуд, додгоҳ бар шаҳодатҳое такя кардааст, ки дар шароити ғайришаръӣ гирифта шудаанд.

Пеш аз он ҳизби ислоҳотталаби Ҷабҳаи мушорикати исломии Эрон иброз дошт, ки ҳатто чӯҷаи бирён рӯи иттиҳомоти додгоҳ ханда хоҳад кард. Ҳизб муҳокимаро театр номид.

Дар байни 100 муттаҳам вакилони мардумӣ, собиқ вазирону собиқ ноиб-президенти Эрон шомил ҳастанд, ки баъди эътирозҳои мардумии моҳи июн ба ҳабс гирифта шуданд. Эътирозҳои моҳи июн пас аз эълони пирӯзии президент Маҳмуди Аҳмадинажод дар интихоботи раёсатҷумҳурии Эрон ба вуқӯъ пайвастанд.
XS
SM
MD
LG