Созмони дифоъ аз ҳуқуқи башар Amnesty International ё Афви Байнулмилал Арабистони Cаудиро барои бидуни эълони иттиҳом дар маҳбасҳо нигаҳ доштани ҳазорҳо нафар танқид кард. Дар гузориши ахири созмон гуфта шудааст, ки дар ин кишвар зери пардаи мубориза бо терроризм ҳуқуқи инсон поймол мешавад. Ба иттилоъи Amnesty International, афроди боздоштшуда дар даст доштан дар ҳамлаҳои мусаллаҳона гумонбар мешаванд ва аммо тафтиши парвандаҳои онҳо комилан махфӣ сурат мегирад.
