Пайвандҳои дастрасӣ

Попи Рум Обамаро ба ҳузур пазируфт


Попи Рум Бенедикти 16 баъд аз зӯҳри рӯзи ҷумъа дар Ватикан раисиҷумҳури Амрико Барак Обамаро ба ҳузур пазируфт. Ба иттилоъи хабаргузориҳо, дар ин мулоқот онҳо мубориза бо фақру қашшоқӣ ва тағйири иқлими сайёраро баррасӣ карданд. Мулоқоти Бенедикти 16 ва Барак Обама баъд аз хатми нишасти серӯзаи сарони 8 кишвари пешрафтаи саноатии олам дар шаҳри Лакуиллаи Италия баргузор шуд, ки дар он, аз ҷумла, ин ду мавзӯъ - мубориза бо фақру қашшоқӣ ва тағйири иқлими сайёра мавриди баррасӣ қарор доштанд.
Дар арафаи ин нишаст дар энтсиклик – паём ба афроди худоҷӯ Попи Рум ба зарурати ислоҳоти СММ ишора карда навишта буд, ки ин ниҳод бояд ба мушкилоти халъи силоҳ, мубориза бо фақру гуруснагӣ ва ҳифзи муҳити зист машғул шавад.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG